លោកជំទាវ​មិថុនា​ ភូថងបានអញ្ចើញទៅសួរសុខទុកកងកម្លាំងយោធាដែលឈរជើងនៅតាមបន្ទាត់ព្រំដែន​ កម្ពុជា​ ថៃ

 

 លោកជំទាវ មិថុនា ភូថង អភិបាល នៃគណៈអភិបាលខេត្តកោះកុង អមដំណើរដោយលោកអភិបាលរងខេត្ត អភិបាលក្រុង ស្រុក លោកប្រធានមន្ទីរ អង្គភាពនានាជុំវិញខេត្ត រសៀលថ្ងៃទី១៥ ខែកញ្ញា ឆ្នាំ២០២០ ក្នុងឱកាសបុណ្យភ្ជុំបិណ្ឌ អញ្ជើញទៅសួសុខទុក្ខ និងសំណេះសំណាលជាមួយកងកម្លាំងយោធានៅតំបន់ព្រំដែនកម្ពុជា ថៃ ចំណុចភ្នំ១០០ ដែលកំពុងឈរជើងយ៉ាងរឹងមាំការពារបូរណភាពទឹកដីយ៉ាងអង់អាចក្លាហាន។

 

ក្នុងឱកាសនេះលោកជំទាវបានកោតសរសើរនៅវីរភាពរបស់កងកម្លាំងយើង ក្នុងការការពារទឹកដី និងរក្សាបាននូវសុខសន្តិភាពជូនប្រជាពលរដ្ឋ។ជាមួយគ្នានេះលោកជំទាវបានជម្រុញឱយកងកម្លាំងយើងមានការប្រុងប្រយ័ត្ន និងអនាម័យជាប់ជាប្រចាំដើម្បីចៀសវាងការចម្លងនូវជម្ងឺកូវីដ ១៩ និងចូលរួមទប់ស្កាត់កុំឱ្យកូវីដ ១៩ចឆ្លងចូលសហគមន៍យើង។ ជាមួយគ្នានេះផងដែរលោកជំទាវបាននាំយកនៅគ្រឿងឧបភោគបរិភោគ និងថវិកាមួយចំនួនទៅចែកដល់កម្លាំងយោធា គ្រួសារយោធា លោកគ្រូ អ្នកគ្រូ និងសិស្សានុសិស្សមួយចំនួន ក្នុងនោះ៖

 

១-គ្រឿងឧបភោគបរិភោគ៖

-អង្ករ ចំនួន ៨៦ បាវ

-មី ចំនួន ៤៣កេស

-ត្រីខកំព់ុង ចំនួន ២កេសធំ ស្មើ២០០កំប៉ុង

-ទឹកត្រី ៣០យួរ ស្មើ ៣៦០ដប

-ទឹកស៊ីអ៉ីវ ៤០យួរ ស្មើ៤៨០ដប

២-ថវិកា៖

-ឧបត្ថម្ភគ្រួសារយោធិនចំនួន១២៧នាក់ ក្នុងម្នាក់ៗទទួលបាន៥០,០០០៛០០។

-លោកគ្រូ អ្នកគ្រូ ៦នាក់ ក្នុងម្នាក់ៗទទួលបាន ៥០,០០០៛០០។

-សិស្សានុសិស្ស ចំនួន១១៧នាក់ ក្នុងម្នាក់ៗ ទទួលបាន ២០,០០០៛០០។

-អង្គភាពវរសេនាតូចលេខ១ ទទួលបានថវិកាចំនួន ៣,០០០,០០០៛០០។

-ផ្នែកសឹករងមណ្ឌលសីមា ទទួលបានថវិកាចំនួន ២,០០០,០០០៛០០។

ជាមួយគ្នានេះលោកជំទាវក៍បានចែកអំណោយជានិមិត្តរូបដល់គ្រួសារយោធិន លោកគ្រូ អ្នកគ្រូ សិស្សានុសិស្ស និងថតរូបអនុស្សាវរីយ៍ប្រកបដោយភាពស្និតស្នាលក្រៃលែង។

 

កោះកុង.ថ្ងៃទី១៥ ខែកញ្ញា ឆ្នាំ២០២០

 

 

 

 

 

( សូមអានបន្ត )

Share This

About www.pp-acharyak.com

Posted in ព័ត៌មានជាតិ

ឯកឧត្តម មុំ ម៉ាលិកា ទីប្រឹក្សាក្រសួងព័ត៌មាន បានអញ្ជើញចូលរួមពិធីចម្រើនព្រះបរិទ សូត្រមន្តកាន់បិណ្ឌទី១២

ឯកឧត្តម មុំ ម៉ាលិកា ទីប្រឹក្សាក្រសួងព័ត៌មាន ប្រធានមន្ទីរព័ត៌មានខេត្តកោះកុង រាត្រីថ្ងៃអាទិត្យ ១១រោច ខែភទ្របទ ឆ្នាំជូត ទោស័ក ព.ស.២៥៦៤ ត្រីវនឹងថ្ងៃទី១៣ ខែកញ្ញា ឆ្នាំ២០២០ បានអញ្ជើញចូលរួមពិធីចម្រើនព្រះបរិទ សូត្រមន្តកាន់បិណ្ឌទី១២ ដឹកនាំដោយ ឯកឧត្តម កាយ សំរួម ប្រធានក្រុមប្រឹក្សាខេត្តកោះកុង និងលោកជំទាវ នៅវត្តអម្ពទិយារាម ហៅវត្តព្រែកស្វាយ ស្ថិតនៅភូមិព្រែកស្វាយ សង្កាត់ស្ទឹងវែង ក្រុងខេមរភូមិន្ទ ខេត្តកោះកុង។

( សូមអានបន្ត )

Share This

About www.pp-acharyak.com

Posted in ព័ត៌មានជាតិ

លោក​ជំទាវមិថុនា​​​​​​​ ភូថង​​ អភិបាល នៃ​គណៈ​អភិបាលខេត្ត​កោះកុង​ បានចូលរួមជាអធិបតីក្នុងពិធី​ផ្សព្វផ្សាយ​ច្បាប់​ស្តីពី​ជលផល

 

កោះកុង​៖ លោកជំទាវ មិថុនា ភូ​ថង អភិបាល នៃ​គណៈ​អភិបាលខេត្ត​កោះកុង ថ្ងៃទី​០៩ ខែកញ្ញា ឆ្នាំ​២០២០​នេះ អញ្ជើញ ជា​អធិបតី ក្នុង​ពិធី​បិទ​វគ្គ​ផ្សព្វផ្សាយ​ច្បាប់ ស្តីពី​ជលផល ដោយមាន​ការចូលរួម ពី​លោក លោកស្រី​នាយករង រដ្ឋបាល​សាលាខេត្ត ថ្នាក់​ដឹ​នាំ​រដ្ឋបាល​ស្រុក​គិរីសាគរ រដ្ឋបាល​ស្រុក​បូ​ទុម​សាគរ ថ្នាក់ដឹកនាំ​មន្ទីរ​កសិកម្ម រុក្ខាប្រមាញ់ និង​នេសាទ​ខេត្ត និង​លោក​ប្រធាន អនុប្រធាន​មន្ទីរ​ធនធានទឹក និង​ឧតុនិយម​ខេត្ត អាជ្ញាធរ​ឃុំ​ភូមិ រួមជាមួយ​មន្ត្រី​ពាក់ព័ន្ធ ព្រមទាំង​ប្រជា​នេសាទ សរុប​ចំនួន ១១៥​នាក់ ស្រី​៤៩​នាក់ នៅ​ភូមិ​ស្រែ​ត្រាវ ឃុំ​ថ្ម​ស ស្រុក​បូ​ទុម​សាគរ ប្រមាណ ១១៥ នាក់ ស្រី ៤៦ នាក់​។​

លោកជំទាវ​អភិបាលខេត្ត សូម​ថ្លែងអំណរគុណ​ចំពោះ​ការខិតខំ​របស់​មន្ត្រី​ជំនាញ ដែល​បាន​ផ្សព្វផ្សាយ​ច្បាប់​ស្តីពី​ជលផល និង​លិខិតបទដ្ឋាន​ពាក់ព័ន្ធ វិស័យ​ជលផល ជូន​ដល់​បងប្អូន​ប្រជាពលរដ្ឋ ក្នុង​គោលបំណង​ប្រើប្រាស់​ធនធាន​ជលផល​ប្រកបដោយ​និរន្ត​ភាព​សម្រាប់​កូនចៅ​ជំនាន់​ក្រោយ​។ តាម​លទ្ធផល​ពិធី​នេះ បងប្អូន​ពិតជា​បាន​យល់ដឹង​បន្ថែម អំពី​ច្បាប់​ជល់ផល សម្រាប់តែ​អនុវត្ត​ប្រកបដោយ​ប្រសិទ្ធភាព ចំពោះ​ប្រជា​នេសាទ និង​សមាជិក​ក្នុង​សហគមន៍​។ ឆ្លៀត​ក្នុងឱកាស​នេះ​ផងដែរ ខ្ញុំ​សូម​ផ្ដល់​អនុសាសន៍​មួយចំនួន :
១/​ពង្រឹង​សាមគ្គីភាព​ឯកភាព​ផ្ទៃក្នុង ក្នុង​សហគមន៍​នេសាទ និង​អាជ្ញាធរ​មូលដ្ឋាន​ឲ្យ​បាន​កាន់តែ​ល្អ ព្រោះ​ការ​សាមគ្គី ជា​កាត់​តាម​នាំ​ឲ្យ​ជោគជ័យ​។​ ២/​ត្រូវ​រៀបចំ​ផែនការ​សកម្មភាព ក្នុង​ដំណើរការ​អនុវត្ត​ការងារ​គ្រប់ផ្នែក​ពាក់ព័ន្ធ ឲ្យ​បានច្បាស់លាស់ និង​យកចិត្តទុកដាក់​អនុវត្ត​វត្ត​ឱ្យ​ទទួលបាន​ប្រសិទ្ធភាព និង​ប្រសិទ្ធ​ផល​។​
៣/​បង្កើន​សកម្ម​ភាពចុះ​ផ្សព្វផ្សាយ​ច្បាប់​ពី​ជលផល លិខិតបទដ្ឋាន​នានា ពាក់ព័ន្ធ​នឹង​វិស័យ​ជលផល ជូន​ប្រជាពលរដ្ឋ​។​ ៤/​ត្រូវ​យកចិត្តទុកដាក់​បន្ត​កិច្ចសហការ​ជាមួយ​អាជ្ញាធរ​មូលដ្ឋាន និង​ដៃគូ​អភិវឌ្ឍន៍​នានា ដើម្បី​ជួយ​ពង្រឹង​ដល់​សហគមន៍​នេសាទ ឲ្យ​កាន់តែ​ល្អប្រសើរ​បន្ថែមទៀត​។​ ៥/​សហការ​ជាមួយ​អាជ្ញាធរ​មូលដ្ឋាន​គ្រប់លំដាប់​ថ្នាក់ ចុះ​ទប់ស្កាត់ បង្ក្រាប​បទល្មើស​វិស័យ​ជលផល ដែល​កើតមាន​នៅក្នុង​ដែន​សមត្ថកិច្ច​។​
៦/​សូមឱ្យ​បងប្អូន​ប្រជា​នេសាទ ចូលរួម​គោរព​ច្បាប់​ទាំងអស់គ្នា ក្នុង​ការធ្វើ​នេសាទ ដើម្បី​បញ្ចៀស​បញ្ហា​ប្រឈម​ផ្លូវច្បាប់​។​ ៧/​សូមឱ្យ​បងប្អូន​ប្រជា​នេសាទ​ទាំងអស់ ចៀសវាង​ឲ្យ​បាន​នូវ​ការប្រើប្រាស់​ឧបករណ៍​ដែល​គ្មាន ក្នុង​ប្រកាស របស់​ក្រសួងកសិកម្ម រុក្ខាប្រមាញ់ និង​នេសាទ​។

​ជាមួយគ្នានេះ​ផងដែរ សូម​លោក លោកស្រី ពូ​មីង បងប្អូន​ទាំងអស់ មេត្តា​ចូលរួម ក្នុងការ​ការពារ​ទប់​ស្កាត់​ការឆ្លង​វី​រ៉ុ​ស​កូ​វីដ​-១៩ ស្របតាម​គោលការណ៍​ណែនាំ​របស់​ក្រសួងសុខាភិបាល និង​រាជរដ្ឋាភិបាល​”​។ សូម​ប្រុងប្រយ័ត្ន​ខ្ពស់ និង​ចៀសឱ្យផុត​ពី​ការចម្លង​វី​រ៉ុ​ស​កូ​វីដ​-១៩ មក​បុគ្គល មក​ក្រុមគ្រួសារ ជាពិសេស ចៀស​ផុតពី​ការចម្លង​ចូលក្នុង​សហគមន៍​៕ ដោយ​៖ សារព័ត៌មានមរតកជាតិ

 

( សូមអានបន្ត )

Share This

About www.pp-acharyak.com

ប្រកាសផ្ទេរភារកិច្ច និងតែងតាំងស្មៀនបណ្ដោះអាសន្នចំនួន៦រូប នៅខណ្ឌច្បារអំពៅ

(ភ្នំពេញ)៖ លោក ចេង មុនីរ៉ា អភិបាលខណ្ឌច្បារអំពៅ បានស្នើដល់ស្មៀន និងមន្ត្រីបដិសណ្ឋារកិច្ច ត្រូវជំរុញការងារបម្រើសេវាសាធារណៈ និងអនុវត្តឲ្យបាន នូវអនុសាសន៍សម្តេចតេជោ ហ៊ុន សែន គឺ «ធ្វើឲ្យបាន ធ្វើឲ្យលឿន»។

មានន័យថា «យើងត្រូវកាត់ទម្លាប់យូរ ពី៣ថ្ងៃ ឲ្យមកនៅឆាប់បំផុត យ៉ាងយូរ១ម៉ោង ឬ៣០នាទី។ និត្យានុកូលកម្ម ដែលតម្រូវមិនឲ្យបង់ប្រាក់ គឺដាច់ខាត មិនត្រូវយក ប្រាក់។ បើមន្ត្រីណាធ្វើ ត្រូវទទួលខុសត្រូវដោយខ្លួនឯង»។ នេះមិនមែនជាការគំរាមទេ តែជាការតម្រង់ទិសដល់មន្ត្រី បម្រើសេវាសាធារណៈ ដើម្បីប្រសិទ្ឋភាពការងារ ។

លោក ចេង មុនីរ៉ា បន្តថា ស្មៀនដែលជាសេធិការរបស់សង្កាត់ សូមជួយពង្រឹងការងាររដ្ឋបាល ហើយជំរុញការផ្តល់សេវាសាធារណៈ ឲ្យកាន់តែល្អប្រសើរ ។

ការផ្តាំផ្ញើរបស់លោកអភិបាលខណ្ឌច្បារអំពៅនេះ ធ្វើឡើងនៅក្នុងពិធីផ្ទេរភារកិច្ច និងតែងតាំងស្មៀនបណ្ដោះអាសន្ន នារសៀលថ្ងៃទី០៣ ខែកញ្ញា ឆ្នាំ២០២០ និងមានការចូលរួមពី លោក អ៊ំ ម៉ារ៉េត ប្រធានក្រុមប្រឹក្សាខណ្ឌ ដោយមានការចូលរួម ពីស្មៀនសង្កាត់ទាំង៨ និងមន្ត្រីខណ្ឌជាច្រើនរូបទៀត។

យោងតាមដីកា ស្ដីពីការផ្ទេរភារកិច្ច និងការតែងតាំងស្មៀនបណ្ដោះអាសន្ន នៃរដ្ឋបាលរាជធានីភ្នំពេញ បានសម្រេចផ្លាស់ប្ដូរស្មៀនសង្កាត់ចំនួន ៦រូប នៃរដ្ឋបាលខណ្ឌច្បារអំពៅ ដែលក្នុងនោះមាន៖

* លោក នួន ចាន់វាសនា ស្មៀនសង្កាត់ព្រែកប្រា ឲ្យមកបម្រើការងារជាមន្ត្រីនៅរដ្ឋបាលខណ្ឌច្បារអំពៅ
* លោក សោម សុផល ពីស្មៀនសង្កាត់និរោធ ឲ្យបម្រើការងារជាមន្ត្រីនៅសាលាខណ្ឌច្បារអំពៅ
* លោកស្រី អ៊ុក ចិន្តា ពីស្មៀនសង្កាត់ច្បារអំពៅទី២ ឲ្យបម្រើការងារជាស្មៀនសង្កាត់ព្រែកប្រា
* លោក ឈាង រ៉ាវិន មានសង្កាត់ច្បារអំពៅទី២ ទៅបម្រើការងារជាស្មៀនសង្កាត់ច្បារអំពៅទី២
* លោក សម ពិសិដ្ឋ ពីស្មៀនសង្កាត់ព្រែកថ្មី ឲ្យទៅបម្រើការងារជាស្មៀនសង្កាត់និរោធ
* លោក ចាន់ បូរី ស្មៀនសង្កាត់ព្រែកឯង ឲ្យទៅបម្រើការងារជាស្មៀនសង្កាត់ព្រែកថ្មី។

ជាមួយគ្នានេះ ក៏មានការប្រកាសតែងតាំងស្មៀនសង្កាត់ចំនួន២រូបផងដែរ មានដូចជា លោក លឹម ហឿង ពីអនុប្រធានការិយាល័យ លេខាធិការក្រុមប្រឹក្សា ខណ្ឌច្បារ អំពៅ ឲ្យទៅបម្រើការងារជាស្មៀនសង្កាត់ច្បារអំពៅទី១, លោកស្រី សុផាត ស្រីវ៉ុន ពីអនុប្រធានអង្គភាពលទ្ធកម្ម ឲ្យទៅបម្រើការងារជាស្មៀនសង្កាត់ព្រែកឯង។

ក្រោយពីបានប្រកាសតែងតាំងមុខតំណែងរួចមក លោកស្រី សុផាត ស្រីវ៉ុន ស្មៀនសង្កាត់ព្រែកឯង បានធ្វើការប្ដេជ្ញាចិត្តដោយគោរព និងប្រតិបត្តិតាមរដ្ឋធម្មនុញ្ញ នៃព្រះរាជាណាចក្រកម្ពុជា, គោរព និងប្រតិបត្តិតាមច្បាប់ស្ដីពីការគ្រប់គ្រងរដ្ឋបាលរាជធានីភ្នំពេញ ខេត្ត ក្រុង ស្រុក ខណ្ឌ ច្បាប់គ្រប់គ្រងរដ្ឋបាលឃុំ សង្កាត់ និងលិខិតបទដ្ឋានគតិយុត្តនានា ដែលមានចែងជាធរមាន, គោរព និងប្រតិបត្តិតាមសេចក្ដីសម្រេចនានា របស់រដ្ឋបាលរាជធានីភ្នំពេញ និងរដ្ឋបាលខណ្ឌច្បារអំពៅ ឲ្យមានតម្លាភាព និងគណនេយ្យភាព, រក្សាសាមគ្គីភាពផ្ទៃក្នុង ក្នុងជួរមន្ត្រីរាជការ និងខិតខំបំពេញការងារដែលថ្នាក់ដឹកនាំប្រគល់ជូន ឱ្យទទួលបានជោគជ័យ ស្របតាមគោលនយោបាយកំណែទម្រង់វិមជ្ឈការ និងវិសហមជ្ឈការ នៅរដ្ឋបាលថ្នាក់ក្រោមជាតិ។

នៅក្នុងឱកាសនេះដែរ លោក ចេង មុនីរ៉ា បានធ្វើការកោតសរសើរ អំពីការខិតខំអភិវឌ្ឍន៍មូលដ្ឋានរបស់មន្ត្រីសង្កាត់ និងការបម្រើសេវា ជូនបងប្អូនប្រជាពលរដ្ឋ នៅក្នុងមូលដ្ឋានរបស់ខ្លួន។

លោកអភិបាលខណ្ឌច្បារអំពៅ បានបន្តថា ការផ្លាស់ប្តូរ កែសម្រួលភារកិច្ច របស់មន្ត្រីយើង គឺជាប្រពៃណីសម្រាប់មន្ត្រីយើងគ្រប់រូប ហើយក៏ជាការផ្ទេរមរតកការងារដ៏ល្អ សម្រាប់អ្នកបន្តវេនរបស់យើង។ ម៉្យាងទៀត ការកែសម្រួលភារកិច្ច និងតួនាទី គឺជាការយកចិត្តទុកដាក់ខ្ពស់ របស់ថ្នាក់ដឹកនាំ ក្នុងការពង្រឹងពង្រីកនូវវិសាលភាព ការងារបម្រើសេវាជូនប្រជាពលរដ្ឋ ឲ្យកាន់តែល្អប្រសើរថែមទៀត។

លោក ចេង មុន្នីរ៉ា ក៏បានធ្វើការក្រើនរំលឹកដល់ មន្ត្រីដែលទើបចូលកាន់តំណែងថ្មីនេះ ត្រូវពង្រឹងសាមគ្គីភាពជាធ្លុងមួយ ក្នុងការងារបម្រើសេវា និងបន្តកិច្ចអភិវឌ្ឍន៍មូលដ្ឋាន ឲ្យមានការរីចម្រើនបន្ថែមទៀត៕

( សូមអានបន្ត )

Share This

About www.pp-acharyak.com

Posted in ដោយសហការី:ព័ត៌មានជាតិ

អភិបាលរងខេត្តត្បូងឃ្មុំ និងលោកឧកញ៉ា នៅ គន់ អញ្ជើញកាន់បិណ្ឌវេនទី១ នៅវត្តពោធិជ័យមង្គល ហៅវត្តដំណាក់ចារ

(ត្បូងឃ្មុំ)៖ លោក គន់ សុភា អភិបារងខេត្តត្បូងឃ្មុំ និងលោកឧកញ៉ា នៅ គន់ និងលោកស្រី សៅ វណ្ណា រួមទាំងពុទ្ធបរិស័ទចំណុះជើងវត្តនៅព្រឹកថ្ងៃទី០៣ ខែកញ្ញា ឆ្នាំ២០២០នេះ បានរួមគ្នាធ្វើពិធីបុណ្យរាប់បាត្រ ឆ្លងវេនបិណ្ឌទី១ នៅវត្តពោធិ៍ជ័យមង្គល ហៅវត្តដំណាក់ចារ ក្នុងឃុំអញ្ចើម ស្រុកត្បូងឃ្មុំ ខេត្តត្បូងឃ្មុំ។

ក្នុងឱកាសនោះ លោក គន់ សុភា បានក្រើនរំលឹកឱ្យប្រជាពលរដ្ឋទំាងអស់មានការប្រុងប្រយ័ត្នក្នុងការធ្វើដំណើររតាមដងផ្លូវ ត្រូវរួមគ្នាគោរពច្បាប់ចរាចរណ៍ មានការយោគ យល់អធ្យាស្រ័យឲ្យគ្នាទៅវិញទៅមក ក្នុងការធ្វើដំណើរដើម្បីសេចក្តីសុខសុវត្ថិភាពទាំងអស់គ្នា ពិសេសរួមគ្នាបង្ការទប់ស្កាត់ ការរីករាលដាលជំងឺកូវីដ១៩ នៅកម្ពុជា ដោយធ្វើតាមការណែនាំរបស់ក្រសួងសុខាភិបាល និងរាជរដ្ឋាភិបាលកម្ពុជា។

ដោយសទ្ធាជ្រះថ្លា លោក គន់ សុភា និងលោកឧកញ៉ា នៅ គន់ និងលោកស្រី សៅ វណ្ណា រួមទាំងញាតិមិត្តបងប្អូនជិតឆ្ងាយ បានរួមគ្នាប្រគេនបច្ច័យដាក់ជើងបិណ្ឌ ទុកកសាងសមិទ្ធិផលជាបន្តក្នុងវត្តដំណាក់ចារនេះចំនួន ៩,៩៩៩,៩៩៩រៀល ប្រគេនព្រះគ្រូចៅអធិការវត្តចំនួន ៤០ម៉ឺននរៀល ព្រះសង្ឃ០៦អង្គ ក្នុង១អង្គ ៦០,០០០រៀល អាចារ្យ៣នាក់ ក្នុងម្នាក់ ៣០,០០០រៀល គណៈកម្មការវត្ត៤នាក់ ក្នុងម្នាក់ ២០,០០០រៀល ជូនចាស់ជរា២០០នាក់ ក្នុងម្នាក់ ១០,០០០រៀល និងកុមារតូចៗ១០០នាក់ ក្នុងម្នាក់ ២,០០០រៀលផងដែរ។

សូមជម្រាបថាពិធីបុណ្យភ្ជុំបិណ្ឌជាពិធីបុណ្យមួយដែលធំជាងគេនៅក្នុងចំណោមពិធីបុណ្យទាំងអស់ចំពោះអ្នកកាន់ព្រះពុទ្ធសាសនា ហើយពិធីបុណ្យនេះមានរយៈពេល ១៥ថ្ងៃដោយចាប់ពីថ្ងៃ ១រោច ដល់ថ្ងៃ១៥រោច ខែភទ្របទ ពិធីបុណ្យនេះត្រូវបានប្រជាពលរដ្ឋខ្មែរ ដែលកាន់ព្រះពុទ្ធសាសនាប្រារព្ធឡើងជារៀងរាល់ឆ្នាំ។

យោងតាមឯកសារកត់ត្រាពីប្រវត្តិបុណ្យរបស់ខ្មែរបង្ហាញថា ការប្រារព្ធពិធីបុណ្យនេះគឺដើម្បីបួងសួងឧទ្ទិសមគ្គផលកុសលផលបុណ្យទៅឲ្យមាតាបិតាញាតិកាទាំង៧ សន្តានដែលបានចែកឋាន ដើម្បីឲ្យពួកគាត់មកទទួលយកកុសលផលបុណ្យទៅកើតក្នុងសុគតិភព ម្យ៉ងទៀតប្រជាពលរដ្ឋខ្មែរមានជំនឿថាអ្នកមានគុណបុព្វការីជន ឬសាច់ញាតិរបស់ពួកគេទាំងអស់ ដែលបានសាងបាបកាលពីនៅមានជីវិតរស់នៅ ហើយពេលចែកឋានទៅមិនដឹងចាប់ជាតិជាអ្វី ឬមានបាបទៅកើតជាប្រេត នឹងឡើងមក ទទួលកុសលផលបុណ្យនេះពីពួកគេផងដែរ នៅពេលពពួកប្រេតទាំងនោះត្រូវបានគេដោះលែងឲ្យមានសេរីភាពរយៈពេល១៥ថ្ងៃក្នុងថ្ងៃកាន់បិណ្ឌ៕

( សូមអានបន្ត )

Share This

About www.pp-acharyak.com

Posted in ព័ត៌មានជាតិ

អភិបាលខេត្តឧត្ដរមានជ័យ ដឹកនាំមន្រ្តីរាជការកាន់បិណ្ឌវេនទី១ នៅវត្តប្រាសាទរាជាសំរោង

(ឧត្ដរមានជ័យ)៖ លោក ប៉ែន កុសល្យ អភិបាលឧត្ដរមានជ័យ និងលោកស្រី រួមជាមួយលោក ស៊ី ប្រាសិទ្ធ ប្រធានក្រុមប្រឹក្សាខេត្ត នៅព្រឹកថ្ងៃទី០៣ ខែកញ្ញា ឆ្នាំ២០២០នេះ បានដឹកនាំមន្ត្រីរាជការក្រោមឱវាទ ចូលរួមក្នុងពិធីកាន់បិណ្ឌវេនទី១ នៅវត្តប្រាសាទរាជាសំរោង ស្ថិតក្នុងសង្កាត់សំរោង ក្រុងសំរោង ខេត្តឧត្ដរមានជ័យ។ ក្នុងពិធីកាន់វេនបិណ្ឌ១នេះ លោក ប៉ែន កុសល្យ និងក្រុមការងារបាននាំយកទេយ្យវត្ថុ និងបច្ច័យមួយចំនួន ប្រគេនព្រះសង្ឃ ព្រមទាំងបានរៀបចំប្រារព្វពិធីបែបសាសនា ដើម្បីឧទ្ទិសកុសលផលបុណ្យជូនដល់បុព្វការីជនទាំងប្រាំពីរសណ្ដាន ដែលបានចែកឋានទៅកាន់បរលោក និងបានបួងសួងសូមឱ្យវត្ថុស័ក្កិសិទ្ធិទាំងពួង​តាមជួយថែរក្សា​ទំនុកបម្រុងចម្រុងចម្រើនដល់មន្ត្រីរាជការ ក៏ដូចជាបងប្អូនប្រជាពលរដ្ឋខ្មែរទាំងអស់ ជាពិសេសតាមជួយថែរក្សាប្រទេសជាតិឱ្យមានសុខសន្តិភាពជានិរន្តរ៍តរៀងទៅ។ ជាមួយគ្នានោះដែរលោក ប៉ែន កុសល្យ ក៏បានថ្លែងប្រាប់ប្រជាពលរដ្ឋពីការរីកចម្រើនរបស់ប្រទេសជាតិ ទាំងវិស័យពុទ្ធចក្រ និងអាណាចក្រ ក្រោមការដឹកនាំដ៏ឈ្លាសវៃ​របស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា។ លោកក៏បានអំពាវនាវឱ្យប្រជាពលរដ្ឋ ត្រូវបន្តការពារខ្លួនកុំឱ្យឆ្លងជំងឺកូវីដ១៩ពិសេសត្រូវអនុវត្តន៍ឱ្យបានទៀងទាត់​តាមការណែនាំរបស់ក្រសួងសុខាភិបាល។ សូមបញ្ជាក់ថា ជារៀងរាល់ឆ្នាំនៅក្នុងរដូវនៃពិធីបុណ្យដាក់បិណ្ឌភ្ជុំបិណ្ឌ ប្រជាពុទ្ធបរិស័ទតែង តែរួមគ្នាធ្វើបុណ្យធ្វើទានតាមទីអារាម ដោយមាននាំយកនូវគ្រឿងសក្ការបូជា មានទៀនធូប ផ្កាភ្ញី បូជាចំពោះព្រះពុទ្ធអង្គ និងព្រះរតនត្រ័យ និងទេយ្យទាន មានគ្រឿងឧបភោគ-បរិភោគជាច្រើនមុខ រួមនិងបច្ច័យយកមកប្រគេន ព្រះសង្ឃ និងរាប់បាត្រ បង្សុកូល ដើម្បីធ្វើបុណ្យឧទ្ទិសកុសលដល់បុព្វការីជន ជីដូន ជីតា ញាត្តិការទាំង៧សណ្តាន ដែលបានចែកឋានទៅកាន់បរិលោកខាងមុខ សូមឱ្យមកទទួលនូវផល្លានិសង្ឃ ដែលកូនចៅបានឧទ្ទិស ជូនតាមរយៈព្រះសង្ឃនាបុណ្យកាន់ បិណ្ឌ និងភ្ជុំបិណ្ឌនេះឱ្យបានទៅសោយសុខនៅទីស្ថានបរមសុខគ្រប់ៗជាតិ៕

( សូមអានបន្ត )

Share This

About www.pp-acharyak.com

Posted in ព័ត៌មានជាតិ

រដ្ឋមន្ដ្រីក្រសួងកសិកម្ម ស្នើស្វីសជួយពង្រឹងសមត្ថភាពកសិករកម្ពុជា ឆ្លើយតបបញ្ហាប្រែប្រួលអាកាសធាតុ និងបង្កើនផលិតផលកសិកម្ម

(ភ្នំពេញ)៖ លោក វេង សាខុន រដ្ឋមន្ដ្រីក្រសួងកសិកម្ម រុក្ខាប្រមាញ់ និងនេសាទ នៅរសៀលថ្ងៃទី០៣ ខែកញ្ញា ឆ្នាំ២០២០នេះ បានទទួលជួបលោក Markus Buerli នាយកការិយាល័យសហប្រតិបត្តិការស្វីស និងភ្នាក់ងារកុងស៊ុលស្វីសប្រចាំកម្ពុជា និងសហការី ក្នុងគោលបំណងសម្តែងការគួរសម និងពិភាក្សាការងារដើម្បីពង្រឹង និងពង្រីកកិច្ចសហប្រតិបត្តិការរវាងប្រទេសទាំងពីរលើវិស័យកសិកម្មនៅកម្ពុជា។

ជាកិច្ចចាប់ផ្តើម លោករដ្ឋមន្ត្រីបានថ្លែងអំណរគុណចំពោះរដ្ឋាភិបាល នៃប្រទេសស្វីស ដែលបាននិងកំពុងផ្តល់កិច្ចសហប្រតិបត្តិការយ៉ាងល្អប្រសើរ ជាមួយកម្ពុជាលើគ្រប់វិស័យ ជាពិសេសវិស័យកសិកម្ម ដោយភាគីស្វីសបានបន្តការអនុវត្តគម្រោង ប្រើប្រាស់ប្រព័ន្ធព័ត៌មានផ្កាយរណបជាមូលដ្ឋាន និងការធានារ៉ាប់រងដំណាំស្រូវក្នុងប្រទេសកម្ពុជា RIICE តាំងពីឆ្នាំ២០១២។

ដោយទទួលបានលទ្ធផលជាផ្លែផ្កា ភាគីស្វីសបានបន្តការអនុវត្តគម្រោងនេះ ជាមួយក្រសួងកសិកម្ម រុក្ខាប្រមាញ់ និងនេសាទ ដែលបច្ចុប្បន្ននេះបានឈានដល់ ជំហានទី៣ ២០១៩-២០២១ ក្នុងគោលបំណងគ្រប់គ្រងគ្រោះធម្មជាតិ ដែលប៉ះពាល់ដល់ផលិតកម្មដំណាំស្រូវ និងស្វែងយល់ព័ត៌មានទិន្នន័យមួយចំនួនទៀត ដូចជាផ្ទៃដីដាំដុះជាក់ស្តែង ពេលវេលាចាប់ផ្តើមរដូវដាំដុះ កម្រិតកំពូលនៃរដូវដាំដុះ ការព្យាករណ៍ទិន្នផលពាក់កណ្តាលរដូវ ការប៉ាន់ស្មានទិន្នផល ពេលប្រមូលផល និងការវាយតម្លៃការបាត់បង់ដោយសារគ្រោះធម្មជាតិ។

រដ្ឋមន្ត្រី វេង សាខុន បានបញ្ជាក់ថា បច្ចេកវិទ្យា និងព័ត៌មានទាំងអស់នេះ គឺមានសារៈសំខាន់ណាស់សម្រាប់មន្ត្រីជំនាញ ក្នុងការផ្តល់ទិន្នន័យ និងព័ត៌មាន ដល់ប្រជាកសិករ ហើយពិតជាស្របតាមផែនការយុទ្ធសាស្ត្រអភិវឌ្ឍន៍វិស័យកសិកម្មរបស់ក្រសួង ក្នុងការជំរុញការអនុវត្តទំនើបកម្មកសិកម្ម យន្តុបនីយកម្មកសិកម្ម ការធ្វើកសិកម្មដែលធុននឹងការប្រែប្រួលអាកាសធាតុ ការធ្វើបច្ចុប្បន្នភាពផែនទីកំណត់តំបន់ដាំដុះ ជាពិសេសលើកកម្ពស់ខ្សែច្រវាក់ ផលិតកម្មកសិកម្ម និងតម្លៃបន្ថែម។

ហេតុនេះ លោករដ្ឋមន្ត្រីបានស្នើដល់ភាគីស្វីស បន្តផ្តល់កិច្ចសហការដល់ក្រសួងលើការងារខាងលើ និងពិនិត្យលទ្ធភាពពង្រឹងសមត្ថភាពមន្ត្រី និងប្រជាកសិករ កសាងហេដ្ឋារចនាសម្ព័ន្ធគាំទ្រ ដូចជាប្រព័ន្ធស្រោចស្រពដើម្បីឆ្លើយតបទៅនឹងបញ្ហាកង្វះទឹក បង្កដោយការប្រែប្រួលអាកាសធាតុ និងជំរុញការសិក្សា ស្រាវជ្រាវ និងផលិតពូជគ្រឹះ ដើម្បីរួមគ្នាអភិវឌ្ឍន៍វិស័យនេះឲ្យកាន់តែរីកចម្រើនថែមមួយកម្រិតទៀត។

លោក Markus Buerli បានសម្តែងនូវសេចក្តីសោមនស្សរីករាយយ៉ាងក្រៃលែង និងអបអរសាទរចំពោះរាជរដ្ឋាភិបាលកម្ពុជា និងក្រសួងដែលបាន និងបន្តអភិវឌ្ឍន៍វិស័យកសិកម្មប្រកបដោយប្រសិទ្ធភាព តាមរយៈការជំរុញផលិតកម្មក្នុងស្រុក ជាពិសេស ក្នុងដំណាក់កាលនៃជំងឺវីរុសកូវីដ-១៩។ លោកក៏ឯកភាព ចំពោះកង្វល់របស់លោករដ្ឋមន្ត្រី ពាក់ព័ន្ធនឹងបញ្ហាកង្វះទឹក និងកម្ពស់ទឹកនៅទន្លេមេគង្គមានកម្រិតទាបនៅឡើយ ដែលអាចជះឥទ្ធិពលដល់ការងារបង្កបង្កើនផលក្នុងឆ្នាំនេះ។

ហេតុដូច្នេះ ភាគីស្វីសកំពុងធ្វើការពិភាក្សាជាមួយដៃគូអភិវឌ្ឍន៍មួយ ដែលកំពុងប្រតិបត្តិការនៅកម្ពុជាផងដែរ ដើម្បីរៀបចំគម្រោងឧបត្ថម្ភរយៈពេលខ្លី ផ្តោតសំខាន់ទៅលើការកសាងហេដ្ឋារចនាសម្ព័ន្ធគាំទ្រ និងប្រព័ន្ធស្រោចស្រពដល់កសិករ។

មួយវិញទៀត ដោយពិនិត្យឃើញថា កិច្ចសហប្រតិបត្តិការរវាងភាគីទាំងពីរ ក្នុងអនុវត្តគម្រោង RIICE ទទួលបានលទ្ធផលយ៉ាងល្អប្រសើរ ភាគីស្វីស នឹងបន្តកិច្ចសហប្រតិបត្តិការជាមួយក្រសួង ដោយគ្រោងនឹងចុះកិច្ចព្រមព្រៀងលើការអនុវត្តគម្រោងមួយផ្សេងទៀត ដែលជាគម្រោងជំរុញខ្សែច្រវាក់ផលិតកម្ម ដំណាំសាកវប្បកម្ម ហៅថាគម្រោងបន្លែ ផ្លែឈើកម្ពុជា CHAIN ជំហានទី៣ ពីខែមករា ឆ្នាំ២០២១ ដល់ខែធ្នូ ឆ្នាំ២០២២។

ក្នុងកិច្ចប្រជុំនេះ ភាគីទាំងពីរក៏បានលើកប្រធានបទមួយចំនួនទៀត មកពិភាក្សាផងដែរ ដូចជាវឌ្ឍនភាព នៃការធ្វើវិសោធនកម្មច្បាប់ជលផល និងច្បាប់ព្រៃឈើផងដែរ៕

( សូមអានបន្ត )

Share This

About www.pp-acharyak.com

Posted in ព័ត៌មានជាតិ , ព័ត៌មានអន្តរជាតិ

អធិការដ្ឋាននគរបាលស្រុកបាទី ទទួលបានជែលលាងដៃពីសប្បុរសជន ដើម្បីយកទៅប្រើប្រាស់ការពារជំងឺកូវីដ-១៩ ក្នុងពេលបំពេញការងារបម្រើឲ្យប្រជាពលរដ្ឋ

(តាកែវ)៖ អធិការដ្ឋាននគរបាលស្រុកបាទី នៃស្នងការដ្ឋាននគរបាលខេត្តតាកែវ នៅរសៀលថ្ងៃទី៣ ខែកញ្ញា ឆ្នាំ២០២០នេះ បានទទួលអំណោយជែលលាងដៃ ចំនួន៤០កេស ស្មើនឹង១ពាន់ដប ពីក្រុមហ៊ុនសារ៉ាយ៉ា ខេមបូឌា ខូអិលធីឌី សម្រាប់គាំទ្រប្រយុទ្ធប្រឆាំង ការរីករាលដាលជំងឺកូវីដ-១៩។

លោកវីរៈសេនីយ៍ទោ ឆាយ កែវមុន្នី អធិការនៃអធិការដ្ឋាននគរបាលស្រុកបាទី បានឲ្យដឹងថា ជំនួយមនុស្សធម៌នាពេលនេះ គឺចំពេលវេលាដែលត្រូវការចាំបាច់ ហើយអធិការដ្ឋាននគរបាលបានប្រគល់បន្តទៅទាំង១៥ប៉ុស្តិ៍នគរបាល ក្នុងស្រុកបាទី ដើម្បីឲ្យកងកម្លាំងយកទៅប្រើប្រាស់ការពារការឆ្លងជំងឺកូវីដ-១៩ ក្នុងពេលបំពេញបេសកម្មបម្រើការងារជូនប្រជាពលរដ្ឋនៅតាមទីមូលដ្ឋាន។

លោក សន សុឌៀង តំណាងឲ្យក្រុមហ៊ុនសារ៉ាយ៉ា បានលើកឡើងដែរថា ក្រុមហ៊ុនរបស់លោក តែងតែបានចូលរួមជាបន្តបន្ទាប់ ជាមួយនឹងការការពារ និងទប់ស្កាត់ការឆ្លងជំងឺកូវីដ-១៩ នៅក្នុងប្រទេសកម្ពុជា។ ជាក់ស្តែង ក្រុមហ៊ុនតែងតែឧបត្ថម្ភជាប្រចាំនូវអាល់កុលលាងដៃ ក្នុងពេលដែលក្រុមការងារស្ម័គ្រចិត្តលោក ហ៊ុន ម៉ានី ចុះបំពេញកិច្ចការមនុស្សធម៌នៅទូទាំងប្រទេសកម្ពុជា។

លោកបញ្ជាក់ថា បច្ចុប្បន្នក្រុមហ៊ុនបានត្រៀមជែលលាងដៃចំនួន៨ពាន់កេស ដើម្បីចែកជូនទៅគ្រប់មជ្ឈដ្ឋានទាំងអស់ ហើយសកម្មភាពទាំងនេះមានគោលបំណងសំខាន់របស់ក្រុមហ៊ុន គឺចង់ឲ្យប្រជាជនអាចជៀសផុតពីជំងឺកូវីដ-១៩៕

( សូមអានបន្ត )

Share This

About www.pp-acharyak.com

Posted in ព័ត៌មានជាតិ